Heele, januari 1999

Leef vasteloavensvrung, 

Zoewie jieker joar heibei ee paar woadjes en goodbedoelde tips van euge enige en echte Presiedent. Om ut ing en ut anger in goei baane te leide, is ut misjien nit verkied um dizze breef ins ruiig en aadagtig te leaze.

1. Dír Sjeuf. Zoewie vier allenui wete hant vier ee nui lid: DíR SJEUF...alias ut Connie va dír blauwe Knoop. Hat ut mit de karneval ee oerbelke i dan is ut dír Sjeuf mit Knopf im Ohr, wie die Kuscheltiere va ut Duutsj. Dír Sjeuf is ing aawinst vuur ozze Verain woa vier os uveral mit kinne loate blikke. Ut mot alling liere nog ee groeter moelwerk op te kinne zette en flink vleddig vrech te kinne zie. Want da alling verdeenste ut predikaat Sjansmarietje Iesjte Klas, mar ja, vier zint noen eemaal zoe geboare, wah? Leeve Sjeuf, loat dich mit de Karneval mar ins van dien sjlechtste kant zie en heibei heet ich dich namens os alle hartelik welkom in ozze Verain en dat vier allenui same noch veul sjpass kinne make en os flink veul op die lamp kinne sjudde!!!! 

2. BETR. BOVENST. PERS: boze tonge bewere dat vier dír Sjeuf in os midde hant opgenoame omdat vier da evt. billiger bei dír F. P. kinne zoepe umdat dír vrunk va dír Sjeuf doa hinger de Tiek wirkt. Om alle geruchte noe vuur ins en vuur ummer de welt oet te doe zaage vier noe ierlik: Joa, dit is woar, want ing anger rede kinne vier nit zoe sjnell bedinke !!!! 

3. PRIEZEGELD: joamer, toch jieker joar werm ee haikel teema. Noa ut Priezegeld insiedent va ď92Ē, woa noa dír Joen zig bedankt hat bei dír verain, liekt ut erop dat zich afgelope joar zig werm zoeget dergeliks op de Baan hat vuurgedoa. I jieker geval, ich hoop dat dír gene dee ut geld verzoape hat, ut good sjlech is woede. Winne vier dit joar werm inne Pries (en dat dont vur, ich veul ut nl. a mie water) weat ut geld meteen umgezet i BONGS!! 

4. KINGER IN  DER OPTOG: i prinsiepe han ich dír nieks teage wint kinger in der optog mitloape (ummer good vuur eksta punte bei de jurie). Alling: gee gezeek en gemiemel va: mam, ich bin mui, de bintjes dont mich pieng en ich wil ee tuutje sjips haan etc. enz. usw. Om ze goot te traine wool ich ut volgende vuursjloa: ing voettocht noa Wittem. De kinger kinne da sjun neave miene opel kadet lope woa oet vier ze kinne aamoedige en in de gate kinne hotte. Bei aankoms kinne vier da meteen ing sjink (gesponsord door Fa. Hissel) offere aa dír heelige Gerardus i verbank mit sjun weer mit de Karneval.

Truuk kinne de kinger evt. mit heengeni i dír auto mar ee buskeatje kost ja huu tse daag ja ooch nieks mie.

5. BUUSJ: ut sjeema hat ut vurrig joar vuurtreffelik gewirkt; jongens, petje aaf,mien kompliemente!!!!!! Han ich doa gelukkig neet vuur nieks al die sjtonde aa zitte te wirke. Dit joar hant vier inne bei os dee zich ja noch mot bewieze, dus ich sjtel vuur dat dír Sjeuf de ganse karneval de buusj bei zich hilt. Dit hat ooch besjlis vuurdele (zie punt 2) Sjeuf, sukses wah jong!!! 

6. AUW BONGS: jiekerinne mot (heup)tesjkes, jeskes en sjlipjasse va binne en va boete driene um te kieke of nit noch urges auw bongs izitte, soms lik nl. vuur kapitale te verzoepe bongs geweun op dír zulder get te ligge. Dus alles grondig noa kieke (in ut joar 2000 zint die nl. besjlis nieks mee wead).