Heele, januari 2003

Leef Kamerade, 

wea houw dat kinne dinke elluf joar geleie dat de Sajnsmarietjes hun jubileum zouwe hoale!!

Ich dink ginne en vier zelluf misjien al gaar nit!!

Gelukkig zint vier al zoe wiet gekoame en ich bin de va uuvertuugd dat vier de volgende jubileumsjoare och gont hoale, net zoelang os ouw bintjes os kinne drage en vier later wie de  “gouwe vrouwluu” in ut Altersheim zitte!!

Want jonge, loate vier noe ierlik ziee, wat inne vruid, sjpass, ielend en sjtronks hant vier de aafgeloope joare mit os alle gedeeld, en al reegt der inne zich waal ins aan der angere op, al mit al lache vier os toch ummer kapot en vruie vier os der ummer op went vier op sjtap gont en allenui saame kinne zie.

Ja leef Jonge, want ich , der Sjors,  zou ginne van os allenui wille misse .. ich bin der sjtootz op ee Sjansmarietje te ziee en ... ach jonge, noe weet ich toch taatzetzlich ee bietje emosioneel, zit ich mich hei get te griene op der zulder mar ut zint troane va geluk en vruidt !!Genog gebreuzeld, noe ff de Notule, al groetendeels opgesjteld durreg der Herman,dus wen euch get nit bevilt kin der ooch hem ins aa de bient trekke!!

 

1. JUBILEUM

volgens mich veenge sommige dat vier get mie aandag aan os jubileumjoar houwe kinne sjinke.

Op de iesjte plaatsj zint vier inne besjeie verain en hoove niet zoe dierek der aadach op os te vestige.

Op de twieëde plaatsj is der in de direkte umgeving va Heeele ech ginne Kastelein dea vuur os ing resepsie wil verzurrige omdat de luu die doa op aa zouwe koame misjien der boel kotshagele kling zouwe houwe.

Op de dreide plaatsj hant vier jieker joar jubileum.

En op de veerde plaatsj viere vier liever de verjoardig van ut Isabelle, dat is veul wiechtiger!!

Want vier dinke liever aan angere da aan os zelluf (of nit da...?)

 

2.     ZOEPKOEL

Ja jonge, Venlo hat der lang op motte waade mar vier kome noe ech!!

(went vier os tenminste nit versjloape of hovverweëgs oet der trein weëde gezat!!)d’r Herman hat mit veul pieng en muite os keëtjes weete te bezurrigge ( hea is nl. op kloarlichte daag noa de sjtehbierhalle gewea en is doa och noch ins flink onger de kar koame..) dus motte vier ut vriedigs mar ins ee bietje huisj aa doe zoadat vier ut zamstigs frisj en monter om 7oer45 in der tzog zitte!! Wat vier os aastjreupe ziet der binnekot op kledingsjeema, dat euch saame mit ut buusjsjema weat gesjikt!!

 

3. OZZE SAIT!!!

Ich han ut noe al deks genog gezag mar ich wil toch der Joen nog ins extra bedanke vuur ut make van die sjun wepsait !! Alling hat hea mich in vertraue gezag dat hea ins get mie teruukvoar van der verain wil haan.

Dus lieve Sjansmarietjes, heb je een zelfbedacht gedicht, lied, foto of recept, mail het door aan Joen, dan zal die er iets leuks mee doen.

 

4. ZSJWANGER

Bei ut Sjrieve va dees notule hant vier ging “gefuelte Tauben” in der Verain dus der Frits hoof dit joar ging extra flesjkes Malt te besjtelle.

 

5. HOARE

Alle Sjansmarietjes deene dis Karneval de hoare (die op der kop,nit die heenge de sjtaase) MINIMAAL op kinlengte te haan zoadat vier ginne sjtress en zeek kient mit ut aabreenge va hoarsjtuksjkes, linte usw...

degene die dat nit hant kinne zich extensions loate make bei Kapsalon Johnnie&Ronnie.

 

6. MANSLUU

wat is dat, get va inne angere planeet??

 

7. RUNTJES

bei deeze wil ich mededelen dat ut buusjsjeema vermeld onger Punkt 2 kunt te vervalle, dit joar wead ut alfabetische runtjessjeema geintroduseert. Hilfe,Hellup huur ich euch noe al roope mar ut is nit zoe moeilik wi dir dinkt, geksjkes!! Kiek, zoe wirkt ut;

1e runtje:  ut Boyke

2e runtje:  der Herman

3e runtje:  der Joen

4e runtje:  der Mannie

5e runtje: der Sjeuf

6e runtje: der Sjors

 (dus went der Sjeuf ee runtje hat gegeave mot ich ummer plotseling effe voet of noa heem!)

kiek, dat is toch einfach wah, mar war went der Joen bevuurbeeld nit mit geet noa de Zoepkoel ? da geet ut zoe;

1e runtje:  ut Boyke

2e runtje:  der Herman

3e runtje: der Mannie

4e runtje: der Sjeuf

5e runtje: der Sjors

6e runtje: kunt te vervalle, truuk noa nr.1

gesjnapst??

N.B went vier aan inne veerkante dusj zitte kan och ee runtje gegeave weade

 

8.     VAAN

SVP de vaan nit tijdens der optoch noa heem breenge, och de luu aan ut eind va der optoch hant recht um te weete wea vier zint!! Die luu betale och geweun hun belasting (der Herman houw hei nog get uuver mar dat bin ich vergeate, aanvulling volgt zoesjnelmog.

 

9.     ROSE

dit joar han ich vuur euch ing sjun aanbieding geregeld; bei der Ta(s)toe Henkie kin dir euch vuur 11.11 Euro eine Rose auf den Hintern tattoieren lassen, (u Sjnepke!!)

 

Leef kamerade, mot zsjm noa ut huuske, rest notule volgt binne aantal daag!